系外面辗转三个星期了，终于可以名正言顺翻嚟…唔想再讲系外面系点，反正好唔好，都过咗去，唔想再提。今日同**一齐去等车。因为我唔舒服，**就罗重嘢，系路边晒咗好耐。忽然一个摩托车佬来逗我哋…我本来唔想理佢，但系佢以平价诱惑我…穷到鬼甘，就只好上…

    一路来，司机大佬好博命，全程9分几，系两边绿油油嘅田间油走，几爽下。心情都舒服好多。未翻嚟之前就听讲个围墙俾人拆咗，不过谂唔到甘疮痍…两个吖姨同表妹系度玩…手脚冇力，我好似个软脚蟹爬上楼去冲凉。冲完凉先知两个吖姨同彤彤去买菜。吖姨翻嚟之后大表弟都翻咗嚟。佢比以前有礼貌，起码见到我都识叫我。之后我就怂恿佢去开包即食面干啃。边有细路唔为食。佢好快手就整好包面。手又边够眼快，吖姨见到就闹佢。自然包面就落系我手上。

    一啖汽水一啖面，仲一边见吖姨闹表弟，表弟求我俾佢食，爽！仲边记得我肚痛紧。玉姨最锡我，每次我回来都会买我钟意食嘅嘢俾我。甘多年来，佢都会记得我钟意食嘅嘢，我一回来就买俾我食。今晚佢就买嗲只大西瓜。有好好饮嘅汤。彤彤好嗲吖姨，吖姨连食啖饭都几艰难。公公只脚冇舒服，今日加起嗲三只大水泡，睇到都好心痛…听日要陪佢去做物疗。碧姨好似仲好烦。其实我今次回来都系想帮轻佢，我知要系两只舅母面前做齐D工，又要果样那样又几恶顶。佢…应该都会好攰。但系我回来好似冇帮到佢乜。病嗲场，反而加俾麻烦佢。佢呢一世为我哋，为呢个家付出太多。其实，佢做咗甘多，青春都俾晒屋企人…真正明白且回报过佢嘅人又有几多？  

   我唔想长大，因为长大就会受伤，受伤会好痛。而呢度，婆婆虽然走咗，仲有吖姨同公公守护我。但系我又想长大，因为我想保护我想保护嘅人，吖姨、公公……婆婆走之后，我好怕回来几，我惊会冇当初嘅暖意。但系呢度始终系我依靠嘅港湾，系个令我舒心嘅地方。回归平静，回到我的始点…我想平平静静…